Deseño e produción de exposicións

O máis importante para crear exposicións que funcionen é entender que queres contar, a quen e onde. Con esta información, en Expogal deseñamos proxectos a medida que funcionan a nivel narrativo, visual e experiencial. O obxectivo é ofrecer unha vivencia única para cada visitante, transmitindo a cultura de forma visual e dinámica.

Creamos espazos, percorridos, estruturas e maquetas deseñadas para trasladar a información ao visitante da mellor maneira posible.

Traballamos con exposicións permanentes, temporais e itinerantes, adaptando o formato do teu proxecto ás necesidades de cada espazo.

• Dirección de arte e concepto creativo
• Deseño do percorrido e distribución do espazo
• Produción gráfica e audiovisual
• Deseño de arquitectura efémera
• Deseño e produción de mobiliario expositivo a medida
• Integración de elementos dixitais e interactivos

Montaxe e desmontaxe

En Expogal somos expertos na montaxe e desmontaxe integral de exposicións. Encargámonos de todo o proceso, desde a adecuación do espazo ata a colocación da última peza. Coidamos especialmente os aspectos clave de cada exposición, como a iluminación, a sinalización e a manipulación das obras.

• Transporte de obras e elementos expositivos.
• Preparación e adecuación de paredes e chans.
• Instalación de mobiliario, vitrinas e soportes.
• Vinilado de paredes e chans.
• Instalación de sistemas interactivos e audiovisuais.
• Adecuación da iluminación.
• Desmontaxe e retirada da exposición.

Alugueiro de mobiliario e material expositivo

O alugueiro de mobiliario expositivo é a opción máis práctica e económica para exposicións temporais, eventos ou mostras itinerantes. Unha opción que evita grandes inversións e problemas de almacenamento.

En Expogal poñemos a túa disposición un amplo catálogo de mobiliario e material expositivo de calidade profesional, listo para instalar no teu proxecto.

• Paneis, soportes e mamparas expositivas
• Vitrinas, peanas e soportes expositivos
• Mobiliario de sala: mesas, atrís, mostradores…
• Sistemas de iluminación museográfica
• Con servizo de entrega, montaxe e recollida

Consultoría museográfica

Ofrecemos consultoría museolóxica e museográfica para axudarte a definir o proxecto antes de executalo. Asesorámoste no deseño da exposición, atendendo aos obxectivos, públicos, percorridos, orzamento e criterios de accesibilidade e sostibilidade. Aportamos formato á cultura, facéndoa accesible a todos os públicos.

• Proxectos museolóxicos e museográficos
• Creación de conceptos expositivos
• Accesibilidade e sostibilidade
• Adaptacións virtuais e dixitais
• Xestión de itinerancias da exposición.

Transporte e preservación de pezas expositivas

En Expogal levamos máis de 20 anos xestionando o transporte seguro de exposicións en Galicia, en territorio nacional e tamén internacional. Encargámonos de todo, desde a creación de caixas e embalaxes personalizados, ata a xestión de trámites e permisos.

• Flota propia de vehículos adaptados
• Caixas e embalaxes para transporte de obras
• Xestión de permisos e trámites internacionais
• Transporte de obras complexas e de gran formato